„სამართლიანი არჩევნების“ აღმასრულებელი დირექტორის განცხადებით, სენატორებისთვის საქართველოს დემოკრატიული განვითარება ძალიან მნიშვნელოვანია

„სამართლიანი არჩევნებისა და დემოკრატიის საერთაშორისო საზოგადოების“ აღმასრულებელი დირექტორის ნინო დოლიძის განცხადებით, სენატორებისთვის საქართველოს დემოკრატიული განვითარება ძალიან მნიშვნელოვანია.

როგორც მან არასამთავრობო ორგანიზაციების და სენატორების შეხვედრის დასრულებისას აღნიშნა, შეხვედრაზე ისაუბრეს სისტემური რეფორმების აუცილებლობაზე, რათა ქვეყანა განვითარდეს.

„ვისაუბრეთ, რომ მოკლევადიან პერსპექტივაში ძალიან მნიშვნელოვანია სასამართლოს, ზოგადად მართლმსაჯულების რეფორმის დაწყება.

მანამდე, მნიშვნელოვანია ასევე 5 არამოსამართლე წევრის არჩევის პროცესში შევიდეს ისეთი ცვლილებები, რომ უზრუნველვყოთ კანდიდატების ისეთი არჩევა, რომელიც იქნება ფართო კონსენსუსის და მხარდაჭერის საფუძველი.

საარჩევნო ადმინისტრაციის დაკომპლექტების ნაწილში ვისაუბრეთ, როგორ უზრუნველვყოთ ახლა ამ არჩევნების მიმართ ნდობის გაზრდა. თუ ჩვენ ვსაუბრობთ იმაზე, რომ მრავალპარტიული და დაბალანსებულ იყოს, რეალურად უნდა მივიღოთ დაბალანსებული საარჩევნო ადმინისტრაცია და ეს არ იყოს ერთჯერადი ინიციატივა.

ცხადია, ვისაუბრეთ, რომ ამ არჩევნების შემდეგ, მნიშვნელოვანია კიდევ უფრო სისტემურ რეფორმებზეც ვიმუშაოთ ქვეყანა რომ განვითარდეს.

მათთვისაც ძალიან მნიშვნელოვანი იყო სასამართლოს, მართლმსაჯულების, ასევე საარჩევნო რეფორმა",- აღნიშნავს ნინო დოლიძე და დასძენს, რომ მნიშვნელოვანია გატარებული რეფორმები "ფასადური და კოსმეტიკური" არ იყოს.

როგორც დოლიძე აღნიშნავს, სენატორები მაქსიმალურად შეეცდებიან ქვეყანა წინ წავიდეს.

„ისინი ჩვენ მხარს გვიჭერენ. ძალიან მნიშვნელოვანია საქართველოს დემოკრატიული განვითარება, ამიტომ არის ძალიან მნიშვნელოვანი მიმდინარე რეფორმები. ცხადია, მაქსიმალურად შეეცდებიან ეს რეფორმები წარმატებული იყოს და ქვეყანა წინ წავიდეს",-აღნიშმავს დოლიძე.

ცნობისთვის, არასამთავრობო ორგანიზაციების წარმომადგენლები ამერიკელ სენატორებს ჯინ შაჰინსა და რობ პორტმანს შეხვდნენ.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 28.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი