ნორვეგიის მთავრობამ ფარულ თვალთვალთან დაკავშირებით გავრცელებული ინფორმაციის გამო აშშ-ის ელჩი დაიბარა

ნორვეგიის მთავრობამ გავრცელებული ინფორმაციის გამო, რომლის თანახმადაც, დანიის სპეცსამსახური აშშ-ის ეროვნული უსაფრთხოების სააგენტოს მისი მოკავშირეების თვალთვალში ეხმარებოდა, აშშ-ს ელჩი დაიბარა - ნორვეგიული გამოცემა NTB-ის თანახმად, ამის შესახებ ნორვეგიის პრემიერ-მინისტრმა ერნა სოლბერგმა განაცხადა.

„მოხარული ვარ, რომ ამერიკელებმა აშკარად თქვეს, რომ მათ შეცვალეს თავიანთი პრაქტიკა 2014 წელს, როდესაც საქმე ეხება მოკავშირეების მონიტორინგს და რომ მათ სურთ ჩვენთან და სხვებთან თანამშრომლობა, რათა გაირკვეს რა მოხდა. დღეს ჩვენ დავიბარეთ ოსლოში აშშ-ის ელჩი, რათა ეს საკითხი გავარკვიოთ. ჩვენ მას გავუმეორეთ, რომ ახლო მეგობრებისა და მოკავშირეების მიმართ ჯაშუშობას მივიჩნევთ მიუღებლად და არასაჭიროდ“, - განაცხადა ნორვეგიის პრემიერმა.

მედიის ინფორმაციით, დანიის მთავრობამ ქვეყნის სადაზვერვო სამსახურის აშშ-ის ეროვნული უსაფრთხოების სააგენტოსთან თანამშრომლობის შესახებ, სავარაუდოდ, 2015 წელს შეიტყო და ინფორმაციის შეგროვება დაიწყო.

მათ მიერ შეგროვებულმა ინფორმაციამ ცხადყო, რომ დანიის თავდაცვის სადაზვერვო სამსახური აშშ-ის ეროვნული უსაფრთხოების სააგენტოს შვედეთის, ნორვეგიის, ნიდერლანდების, საფრანგეთის, გერმანიის წამყვან პოლიტიკოსთა, დანიის საგარეო და ფინანსთა სამინისტროების და ასევე აშშ-ს მთავრობის წინააღმდეგ ჯაშუშობის ოპერაციების განხორციელებაში ეხმარებოდა.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა