კრემლის პრესსპიკერის, დიმიტრი პესკოვის განცხადებით, რუსეთისა და შეერთებული შტატების ლიდერების, ვლადიმერ პუტინისა და ჯო ბაიდენის შეხვედრა ძალიან მნიშვნელოვანია, მაგრამ გადაჭარბებული მოლოდინი არასწორია.

„ეს შეხვედრა ძალიან, ძალიან მნიშვნელოვანია. მართლაც, მოდით ასე ვთქვათ, არასწორი იქნებოდა გადაჭარბებულ მოლოდინში ჩავარდნა", - აღნიშნა პესკოვმა.

ვლადიმერ პუტინსა და ჯო ბაიდენს შორის შეხვედრა 16 ივნისს ჟენევაშია დაგეგმილი.