ირანის უზენაესი ლიდერის აიათოლა ალი ხამენეის თქმით, ირანს 2015 წელს გაფორმებული ბირთვული შეთანხმების აღდგენისთვის მოლაპარაკებებში ჩართული ექვსი სახელმწიფოსგან სჭირდება მოქმედება და არა დაპირებები.
ირანი და ექვსი სახელმწიფო ვენაში მოლაპარაკებებს აპრილიდან აწარმოებდნენ, რათა შეემუშავებინათ ნაბიჯები, რომელიც თეირანმა და ვაშინგტონმა უნდა გადადგან, რათა სანქციები და ბირთვული საქმიანობა შეთანხმების პირობებს სრულად აკმაყოფილებდეს. მას შემდეგ რაც შეერთებული შტატების პრეზიდენტმა დონალდ ტრამპმა 2018 შეთანხმება დატოვა და ირანს სანქციები განუახლა, თეირანი გამდიდრებული ურანის მარაგს ზრდის და წარმოების დასაჩქარებლად თანამედროვე ცენტრიფუგებს ამონტაჟებს.
პრეზიდენტ ჯო ბაიდენის ადმინისტრაციამ განაცხადა, რომ მზად არის გააუქმოს ყველა სანქცია, თუკი ირანი შეთანხმების პირობების შეასრულებს. ირანის ხელისუფლების განაცხადებით, შეთანხმებას არ დაიცავს, თუ ყოფილი პრეზიდენტის, დონალდ ტრამპის მიერ განახლებული სანქციები არ გაუქმდება.