რუსეთის პრეზიდენტმა ვლადიმერ პუტინმა ხელი მოაწერა კანონმდებლობას, რომლის თანახმად, ”ექსტრემისტული ორგანიზაციების“ წევრებს თანამდებობის დაკავების მიზნით არჩევნებში მონაწილეობა ეკრძალებათ. კერძოდ, კანონი ექსტრემისტულად გამოცხადებული დაჯგუფებების წევრებს ან მათ ხელმძღვანელებს სახელმწიფო დუმაში მანდატის მოპოვების, ან სხვა მიზნით არჩევნებში მონაწილეობას სამიდან ხუთ წლამდე პერიოდით უკრძალავს.

Reuters-ი წერს, რომ რამდენიმე დღეში რუსეთის სასამართლომ კრემლის კრიტიკოსის, ალექსეი ნავალნის ანტიკორუფციული ფონდისა და რეგიონალური საარჩევნო კამპანიის ჯგუფების ექსტრემისტული ნიშნით უკანონოდ გამოცხადების საკითხი უნდა განიხილოს. ნავალნის გუნდის წევრები აცხადებენ, რომ კანონის მიზანი წელს დაგეგმილ საპარლამენტო არჩევნებში მათი მონაწილეობისთვის ხელის შეშლაა.