კორონავირუსის საწინააღმდეგო ვაქცინაცია მსოფლიოს 176 ქვეყანაში მიმდინარეობს და ამ დროისთვის გლობალურად ვაქცინების 2 მილიარდზე მეტი დოზაა გამოყენებული, - შესაბამის მონაცემებს გამოცემა Bloomberg-ი ავრცელებს.
მსოფლიოში ვაქცინაცია ყოველდღიურად, საშუალოდ, 37 მილიონ ადამიანს უტარდება. ყველაზე მეტი 723 მილიონი ვაქცინა ჩინეთში გამოიყენეს. მას აშშ მოჰყვება 300 მილიონამდე დოზით. ევროკავშირში ვაქცინების 263 მილიონი დოზა გამოიყენეს, ინდოეთში კი - 227 მილიონი. ისრაელში ორივე დოზით მოქალაქეთა 56.8% აიცრა. ევროკავშირში ორივე დოზით აცრილია მოსახლეობის 20%-მდე, აშშ-ში კი - 41.4%.