თურქეთის მიერ ერაყის ტერიტორიაზე განხორციელებული საჰაერო დარტყმების შედეგად ლტოლვილთა ბანაკში მცხოვრები სამი მშვიდობიანი მოქალაქე დაიღუპა და რამდენიმე დაშავდა, - ინფორმაციას „როიტერი“ და „ფრანს პრესი“ ავრცელებენ. ბანაკში თურქეთიდან ლტოლვილი ათასობით ქურთი ცხოვრობდა.
მედიის ცნობით, ერაყის უსაფრთხოების ძალების წარმომადგენელმა საჰაერო დარტყმების შესახებ ინფორმაცია დაადასტურა, თუმცა სხვა დეტალებზე არ ისაუბრა.
როგორც „როიტერი“ წერს, ხუთშაბათს, თურქეთის პრეზიდენტმა რეჯეფ თაი ერდოღანმა განაცხადა, რომ თურქეთის საზღვრიდან 180 კილომეტრში მდებარე მახმურის ბანაკი, სადაც თურქეთიდან ლტოლვილი ათასობით ქურთი 1990-იანი წლებიდან ცხოვრობს, „ბოევიკების ინკუბატორია“ და ეს უნდა მოგვარდეს.