დანიის პარლამენტმა დაამტკიცა გეგმა, რომელიც კოპენჰაგენთან ხელოვნური კუძულის მშენებლობას ითვალისწინებს - წერს BBC.
გამოცემის ცნობით, კუნძულზე 35 000-მდე ადამიანი დასახლდება. გიგანტური კუნძული სახელად ლინეტეჰოლმი ხმელეთს ხიდებით, გვირაბებით და მეტროს ხაზებით დაუკავშირდება. პარლამენტის მხრიდან მხარდაჭერა შესაძლებლობას იძლევა პროექტის განხორციელება მიმდინარე წლის ბოლოდან დაიწყოს.
გარემოს დამცველები პროექტს ეწინააღმდეგებიან. მათ სარჩელი ევროკავშირის მართლმსაჯულების სასასმართლოში შეიტანეს. თუკი ყველაფერი გეგმის მიხედვით წავა, კუნძულის მთავარი ნაწილი 2035 წლისთვის მზად იქნება, ხოლო 2070 წლისთვის ბოლომდე დასრულდება.