შრი-ლანკაში ბოლო 2 დღის განმავლობაში მოსულმა ძლიერმა წვიმებმა წყალდიდობა და მეწყერი გამოწვია.

წყალმოვარდნამ განსაკუთრებით ქვეყნის სანაპირო ზოლში მდებარე 5 რეგიონის მოსახლეობა დააზარალა.

სტიქიურ უბედურებას სულ მცირე 6 ადამიანი ემსხვერპლა, 5 კი ამდრომდე დაკარგულად ითვლება. წყალდიდობამ 1 000-ზე მეტი სახლი გაანადგურა, შედეგად კი ქვეყანაში 5 000-ზე მეტი ადამიანი საცხოვრებლის გარეშეა დარჩენილი.

სტიქიურმა უბედურებამ ასევე დააზიანა სასოფლო-სამეურნეო ტერიტორიები და საავტომობილო გზები.