იტალიის ქალაქ ვენეციაში პადემიის დაწყებიდან პირველად 17 თვის შემდეგ, რეგულაციების შემსუბუქებასთან ერთად საკრუიზო გემებს მუშაობის უფლება მიეცათ. ამასთან დაკავშირებით ვენეციელებმა საპროტესტო აქცია გამართეს.
ადგილობრივები აცხადებენ, რომ უზარმაზარი საკრუიზო გემები გარემოს სერიოზულ საფრთხეს უქმნის და მათ საცხოვრებელ გარემოსა და წყალს მნიშვნელოვნად აბინძურებს.
აღსანიშნავია, რომ გასული წლის საპროტესტო აქციების შემდეგ იტალიის ხელისუფლებამ განაცხადა, რომ საკრუიზო ტრანსპორტისა და საზღვაო კონტეინერების ვენეციასთან ახლოს მისვლა აიკრძალებოდა.
ისინი მოსახლეობას შეჰპირდნენ, რომ აკრძალვა მაშინ ამოქმედდება, რომდესაც ქალაქის ცენტრიდანა მოშორებით ახალი პორტი და ტერმინალები აშენდება.