ევროპარლამენტის პრეზიდენტი დავიდ სასოლი გამოდის მოწოდებით, დასავლეთ ბალკანეთის ქვეყნებისთვის ევროკავშირის წევრობის მინიჭების თაობაზე და აღნიშნავს, რომ ასეთი გაფართოება შექმნის მშვიდობისა და განვითარების პერსპექტივას. ამის შესახებ ევროპული მედია იუწყება.

„გაფართოებამ შესაძლოა მოიტანოს დიდი უპირატესობა როგორც თავად რეგიონს, ისე მთელ ევროპას, რითაც დაგვეხმარება უზრუნველვყოთ სტაბილურობა, განვითარება და მშვიდობა კონტინენტზე“ , - განაცხადა სასოლიმ.

მისი თქმით, დასავლეთ ბალკანების ევროინტეგრაციის ტემპი დამოკიდებული იქნება იმაზე, რამდენად სწრაფად მიაღწევენ ეს ქვეყნები კრიტერიუმებს, რომლებიც წევრობისთვის არის აუცილებელი.

დავიდ სასოლიმ განაცხადა, რომ თითოეულ ქვეყანას დასჭირდება საკმარისი რეფორმები, მაგრამ ევროკავშირმაც უნდა შეასრულოს დანაპირები და რეაგირება მოახდინოს პროგრესზე.