საარჩევნო პროცესში ელექტრონული ტექნოლოგიების დანერგვის საკითხზე ცესკოში შეხვედრა მიმდინარეობს

ცენტრალურ საარჩევნო კომისიაში, პოლიტიკური პარტიების, საერთაშორისო და ადგილობრივი არასამთავრობო ორგანიზაციების წარმომადგენლებთან, საარჩევნო პროცესში ელექტრონული ტექნოლოგიების დანერგვასთან დაკავშირებით სამუშაო შეხვედრა მიმდინარეობს.

როგორც “სტრატეგია აღმაშენებლის” ერთ-ერთმა წევრმა ანა კობახიძემ შეხვედრის დაწყებამდე განაცხადა, შეხვედრაზე სამი ძირითადი საკითხი- ამომრჩევლის სახით იდენტიფიცირება, ამომრჩევლისთვის ბარკოდიანი ბიულეტენების გადაცემა და არჩევნებზე ხმების დათვლის პროცესის კამერით გადაღება განიხილება.

“დღევანდელი შეხვედრა არის, როგორც პარტიებს შორის, ასევე არასამთავრობო ორგანიზაციებთან და ჩვენ დღეს მათ გავაცნობთ იმ სამუშაო ჯგუფის მიერ მიღებულ გადაწყვეტილებებს, რომელიც ერთი თვის განმავლობაში გვქონდა განხილული. აქ განიხილება ამომრჩევლის სახით იდენტიფიცირება, ამომრჩევლისთვის ბარკოდიანი ბიულეტენების გადაცემა, რომელიც პრაქტიკულად გამორიცხავს კარუსელის შესაძლებლობას და ბოლოს - დათვლის პროცესში არის სიახლეები: დათვლის პროცესი იქნება კამერით გადაღებული და დასკანერდება ყველა ბიულეტენი და გასაჯაროვდება - ეს სამი ძირითადი კომპონენტი არის სამუშაო ვერსია, ეს ყველაფერი შემდეგ მოხდება საკანონმდებლო ინიციატივის სახით, რომელსაც მიიღებს პარლამენტი ანუ ამ რეკომენდაციებს, რომლებიც შევიმუშავეთ პარლამენტში შესულმა პარტიებმა და ცესკო-მ, გადავცემთ კანონპროექტის ძირითად ცვლილებებს პარლამენტს, რომელიც საბოლოოდ მიიღებს მეორე მოსმენით. იმედია, მოასწრებს ამის მიღებას", - განაცხადა კობახიძემ.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 23.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო