ვლადიმერ ზელენსკი - თუ ჩვენი ნატო-ში მიღება სურთ, მაშინ უსარგებლოა ჭოგრიტში, შორეულ მომავალში ყურება - საკითხი დაუყოვნებლივ უნდა გადაწყდეს
თუ ჩვენი ნატო-ში მიღება სურთ, თუკი მათ ნამდვილად სურთ ჩვენი წევრობა, მაშინ უსარგებლოა ჭოგრიტში, შორეულ მომავალში ყურება და ამ მომავლის განხილვა. საკითხი დაუყოვნებლივ უნდა გადაწყდეს, - ამის შესახებ უკრაინის პრეზიდენტმა ვლადიმერ ზელენსკიმ Axios-თან ინტერვიუში განაცხადა.
„მე პირადად მჯერა, რომ უკრაინა საბოლოოდ გახდება ნატო-ს წევრი, თუმცა უნდა აღვნიშნო, რომ სულ უფრო მეტ უკრაინელს ახლა ისე ძლიერად აღარ სჯერა ამის, როგორც წარსულში და მე ეს დიდ პრობლემად მიმაჩნია. მეორეც, ვფიქრობ, რომ თუ ჩვენი ნატო-ში მიღება სურთ, თუკი მათ ნამდვილად სურთ ჩვენი წევრობა, მაშინ უსარგებლოა ჭოგრიტში, შორეულ მომავალში ყურება და ამ მომავლის განხილვა. საკითხი დაუყოვნებლივ უნდა გადაწყდეს. ჩვენ საფრთხეში სწორედ ახლა ვართ, ჩვენი დამოუკიდებლობა ახლა დევს სასწორზე და ახლა გვჭირდება დახმარება. წევრობის სამოქმედო გეგმა არის რეალური სიგნალი. წევრობის სამოქმედო გეგმა არის გზავნილი, პირდაპირი გზავნილი. ეს ჯერ კიდევ არ ნიშნავს გაწევრიანებას, მაგრამ ეს არის რეალური ხედვა უკრაინის, როგორც ნატო-ს ნაწილის უახლოეს მომავალში,“- აღნიშნა ზელენსკიმ.
v-if="article.gallery" v-html="article.gallery"
