მარია ზახაროვა - ბატონო სტოლტენბერგ, დააბრუნეთ თქვენი კარი სათამაშო მოედანზე და ჩვენ გოლს გავიტანთ

რუსეთი მზად არის განიხილოს დეესკალაციისა და ინციდენტების პრევენციის საკითხები ჩრდილოატლანტიკურ ალიანსთან, მაგრამ სამხედრო ექსპერტების ჩართვის გარეშე ამ დიალოგს აზრი არ აქვს, - ამის შესახებ რუსეთის საგარეო საქმეთა სამინისტროს პრესსპიკერმა მარია ზახაროვამ განაცხადა.

”რუსეთი არ ერიდება ნატო-სთან დიალოგს და მზადაა, რეალური დისკუსიისთვის დეესკალაციის და ინციდენტების პრევენციის საკითხებზე, მაგრამ სამხედრო ექსპერტების ჩართვის გარეშე ამ საკითხებზე საუბარს აზრი არ ექნება. ბატონმა სტოლტენბერგმა ეს კარგად იცის ", - აღნიშნა ზახაროვამ, რითაც გამოეხმაურა ნატო-ს გენერალური მდივნის, იენს სტოლტენბერგის განცხადებას, რომ მოსკოვმა შეხვედრის გამართვასთან დაკავშირებით ნატო-ს შეთავაზებას არ უპასუხა.

ამასთან, სტოლტენბერგის კომენტარზე, რომ ბურთი ახლა მოსკოვის მხარესაა, ზახაროვამ უპასუხა : „რაც შეეხება ბურთებს, ბატონო სტოლტენბერგ, დააბრუნეთ თქვენი კარი სათამაშო მოედანზე და ჩვენ გოლს გავიტანთ.“

მედიის ინფორმაციით, იენს სტოლტენბერგმა მოსკოვს ნატო-რუსეთის საბჭოს სხდომის გამართვა შესთავაზა. მისი განცხადებით, ალიანსმა რუსეთს შეხვედრის წინადადებით ერთ წელზე მეტი ხნის მიმართა, თუმცა პასუხი არ მიუღია. „ჩვენ ბევრი თემა გვაქვს განსახილველი, რომელიც ნატო-სა და რუსეთის ერთობლივ ინტერესებს ეხება”, - განაცხადა გენერალურმა მდივანმა და დასძინა, რომ ბურთი ახლა მოსკოვის მხარესაა.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
„მაკდონალდს საქართველო“ Mc Happy Day-ის საქველმოქმედო კამპანიას იწყებს