რუსი ოპოზიციონერი ალექსეი ნავალნი ციხის საავადმყოფოდან კვლავ კოლონიაში გადაიყვანეს.
საავადმყოფოში ნავალნი 23-დღიანი შიმშილობის გამო აღმოჩნდა, რომელიც მარტში, სათანადო სამედიცინო მომსახურების მოთხოვნით დაიწყო და 23 აპრილს შეწყვიტა.
შეგახსენებთ, ალექსეი ნავალნის მიმდინარე წლის დასაწყისში 3 წლით და 6 თვით პატიმრობა გაფლანგვის საქმეზე პირობითი მსჯავრის დარღვევისთვის მიუსაჯეს. თუმცა, სასჯელს შინაპატიმრობაში გატარებული დრო გამოაკლდა და საბოლოოდ მას თავისუფლების 2 წლითა და 8 თვით აღკვეთა მიესაჯა.
ნავალნი მიმდინარე წლის იანვარში მაშინ დააკავეს, როდესაც რუსეთში გერმანიიდან დაბრუნდა, სადაც "ნოვიჩოკის" ჯგუფის ნივთიერებით მოწამლული პოლიტიკოსი რამდენიმე თვის განმავლობაში მკურნალობდა.