გივი მიქანაძის განცხადებით, საპარლამენტო არჩევნების შემსწავლელი დროებითი საგამოძიებო კომისიის შეხვედრაზე ცესკო-ს თავმჯდომარესა და არასამთავრობო ორგანიზაციების წარმომადგენლებს მიიწვევენ

საპარლამენტო არჩევნების შემსწავლელი დროებითი საგამოძიებო კომისიის წევრების ინიციატივით, კომისიის სამუშაო შეხვედრაზე მიიწვევენ 4 საარჩევნო უბნის, ასევე ამავე უბნების ოლქების თავმჯდომერეებს, ცესკოს თავმჯდომარეს და იმ 4 არასამთავრობო ორგანიზაციების წარმომადგენლებს, რომელთაც არჩევნებზე ყველაზე ფართო მონიტორინგი ჩაატარეს.

როგორც კომისიის სხდომაზე უმრავლესობის წევრმა გივი მიქანაძემ განაცხადა, 14 ივნისს კომისიის მომდევნო შეხვედრაზე ვაკის 41-ე საარჩევნო უბნის თავმჯდომარეს და ვაკის ოლქის წარმომადგენლებს მიიწვევენ.

ამასთან, მიქანაძის ინფორმაციით, პარლამენტს მიმართავენ განცხადებით, რომ არჩევნებთან დაკავშირებით შექმნილი დროებითი საგამოძიებო კომისიის მანდატი კიდევ ერთი თვით გახანგრძლივდეს.

„შესაძლოა გამოიკვეთოს ისეთი კომპონენტები, რომ სხვა ადამიანების მოწვევაც იყოს საჭირო. თავდაპირველად 4 უბნის კომისიის თავმჯდომარე, მდივანი, რეგისტრატორები გამოიკვეთა, ეს უბნები რომელ ოლქებშიც შედიან, იმ ოლქის თავმჯდომარეები, ასევე, ცესკო-ს თავმჯდომარე და მე ვფიქრობ, რომ ლოგიკური იქნება, რომ ჩვენ მოვიწვიოთ იმ 4 არასამთავრობო ორგანიზაციის წარმომადგენელი, რომელთაც ჰქონდათ ყველაზე დიდი მონიტორინგის მისია ამ არჩევნების დროს და რომელთა საჩივრების კომპონენტი ჩვენ გამოვიყენეთ მეთოდოლოგიის დროს, როდესაც შევარჩიეთ უბნები. ამიტომ, ლოგიკური მგონია, რომ არასამთავრობო ორგანიზაციებს გავუგზავნოთ მოწვევა და მათ განახორცილონ თვითონ იდენტიფიცირება თავისი ორგანიზაციის იმ წარმომადგენლის, ვისაც ყველაზე მეტად შეუძლია კომპეტენტური პასუხები გასცეს კომისიის შეკითხვებს არჩევნებთან დაკავშირებით“, - განაცხადა გივი მიქანაძემ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!