სლოვაკეთი ევროკავშირის მეორე ქვეყანა გახდა, სადაც მოსახლეობის ვაქცინაციისთვის რუსული ვაქცინის -„სპუტნიკის“ - გამოყენება დაიწყეს.
ევროპული მედიკამენტების სააგენტოს რუსული ვაქცინის გამოყენების ნებართვა ჯერჯერობით არ გაუცია, მიუხედავად ამისა, სლოვაკეთმა ვაქცინა 26 მაისს დაამტკიცა.
მოსახლეობას ვაქცინაციის მიზნით რეგისტრაციის გავლა 1 ივნისად შეეძლო. ქვეყანას „სპუტნიკის“ 200 000 დოზა აქვს, თუმცა აღნიშნული ვაქცინით აცრის სურვილი ჯერჯერობით მხოლოდ 5 000-მა მოქალაქემ გამოთქვა.
დღემდე სლოვაკეთში მოსახლეობის ვაქცინაცია „ფაიზერის“, „ასტრაზენეკასა“ და „მოდერნას“ ვაქცინებით მიმდინარეობდა. სლოვაკეთის 5.4 მილიონი მცხოვრებიდან კოვიდ 19-ის საწინააღმდეგო ვაქცინების მინიმუმ ერთი დოზა 1.8 მილიონზე მეტ ადამიანს აქვს მიღებული, სრულად ვაქცინირებული კი - 950 000 მოქალაქეა.