აშშ-ის სახელმწიფო მდივანი ენტონი ბლინკენი მონაწილეობას მიიღებს ჟენევაში პრეზიდენტ ჯო ბაიდენსა და პრეზიდენტ ვლადიმერ პუტინს შორის დაგეგმილ ორმხრივ შეხვედრაში, - ამის შესახებ აშშ-ის სახელმწიფო დეპარტამენტის მიერ გამოქვეყნებულ ინფორმაციაშია აღნიშნული.
„სახელმწიფო მდივანი ენტონი ბლინკენი თან ეხლება პრეზიდენტ ჯოზეფ ბაიდენს ივნისში კორნუოლში, დიდ ბრიტანეთში, ასევე ბრიუსელში, ბელგიაში და ჟენევაში, შვეიცარიაში ვიზიტების დროს.
10-12 ივნისს სახელმწიფო მდივანი მონაწილეობას მიიღებს პრეზიდენტის ორმხრივ შეხვედრებში კორნუოლში. შემდეგ ის თან ეხლება პრეზიდენტს ნატოს სამიტზე 14 ივნისს და აშშ-ევროკავშირის სამიტებზე 15 ივნისს, ბრიუსელში. და ბოლოს, ის ჟენევაში მონაწილეობას მიიღებს პრეზიდენტ ბაიდენის ორმხრივ შეხვედრაში რუსეთის ფედერაციის პრეზიდენტ ვლადიმერ პუტინთან,“- აღნიშნულია ინფორმაციაში.
შეგახსენებთ, აშშ-სა და რუსეთის პრეზიდენტებს შორის შეხვედრა 16 ივნისს გაიმართება.