ინდოეთის ქალაქ პუნას გარეუბანში მდებარე ქიმიურ ქარხანაში გაჩენილ ხანძარს მინიმუმ 18 ადამიანის სიცოცხლე ემსხვერპლა, - ამის შესახებ ინფორმაციას BBC-ი ავრცელებს.
გამოცემის ცნობით, შემთხვევის დროს შენობაში 37 თანამშრომელი იმყოფებოდა და მაშველებს მათი გადარჩენის მიზნით შენობაში შესაღწევად კედლების ჩამონგრევა დასჭირდათ.
ხანძრის გამომწვევი მიზეზი ჯერჯერობით უცნობია.
ქარხანა კომპანია SV Aqua Technologies- ს ეკუთვნოდა, რომელიც ქლორის დიოქსიდის პროდუქტებს ამზადებს, რომელიც, როგორც წესი, წყლის დასამუშავებლად გამოიყენება.
ინდოეთის პრემიერ-მინისტრმა ნარენდრა მოდიმ დაღუპულთა ოჯახებს მიუსამძირა და კომპენსაციის სახით თითოეულ ოჯახს 200 000 რუპიას (2 800 აშშ დოლარი) დაჰპირდა. მისივე თქმით, კომპენსაციას (დაახლოებით 690 აშშ დოლარის ოდენობით) მიიღებენ დაშავებულებიც.