ისლამოფობიის ადგილი არც ერთ საზოგადოებაში არ არის, ეს სიძულვილი მზაკვრული და საზიზღარია და ის უნდა შეწყდეს, - ამის შესახებ კანადის პრემიერ-მინისტრი ჯასტინ ტრიუდო „ტვიტერში“ წერს, რითაც ის კანადაში, ონტარიოს პროვინციაში მომხდარ მკვლელობას ეხმიანება.
სამართალდამცავების ინფორმაციით, სატვირთო ავტომობილის მძღოლი ქუჩაში მდგარ ოჯახის წევრებს განზრახ დაეჯახა იმის გამო, რომ ისინი მუსლიმები იყვნენ.
ინციდენტის შედეგად ოთხი ადამიანი - ორი ქალი, ერთი მამაკაცი და 15 წლის გოგონა - დაიღუპა. ოჯახის ერთადერთი გადარჩენილი წევრი, 9 წლის ბიჭი კი მძიმე დაზიანებებით საავადმყოფოშია გადაყვანილი.
მომხდართან დაკავშირებით დაკავებულია კანადის 20 წლის მოქალაქე.