კახა კალაძე - ჩემი საარჩევნო დაპირება იყო თბილისის დენდროლოგიური პარკის კეთილმოწყობა - პროექტი მზადაა, დაახლოებით 2 წელი დასჭირდება მის განხორციელებას

თბილისის მერის კახა კალაძის განცხადებით, თბილისის დენდროლოგიური პარკის კეთილმოწყობის სამუშაოები წლის ბოლომდე დაიწყება. როგორც მან გარემოს დაცვის პოლიტიკის პრეზენტაციაზე განმარტა, პროექტის განხორციელებას დაახლოებით 2 წელი დასჭირდება.

მისი თქმით, მოხდება ზოოპარკის გადატანა ქალაქის ცენტრიდან და მოეწყობა სივრცე ახალგაზრდებისთვის.

„ჩემი საარჩევნო დაპირება იყო თბილისის დენდროლოგიური პარკის კეთილმოწყობა. 160 ჰექტარზე არის ტერიტორია გადაჭიმული და გვინდა მისი განახლება, კეთილმოწყობა, პროექტი უკვე მზად გვაქვს და წლის ბოლომდე შესაძლებელი იქნება სამუშაოების დაწყება. დაახლოებით 2 წელი დასჭირდება ამ პროექტის განხორციელებას იმიტომ, რომ საკმაოდ მასშტაბურია. იქვე ახლოს მოხდება ზოოპარკის გადატანა ქალაქის ცენტრიდან, ამის სივრცე და შესაძლებლობა არსებობს. ასევე გვაქვს იდეა, რომ დენდროლოგიურ პარკში მოვაწყოთ ახალგაზრდებისთვის განკუთვნილი სივრცე, სადაც ახალგაზრდებს, მხატვრებს, ხელოვანებს ექნებათ შესაძლობა, ეს სივრცეები ყოველგვარი გადასახადის გარეშე, უფასოდ გამოიყენონ. დარწმუნებული ვარ, ძალიან ლამაზი გარემო და ბუნება იქნება“, - განაცხადა კალაძემ.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს