ამ საკითხზე დისკუსია უნდა შეწყდეს. ჩვენ უნდა შევძლოთ, გონივრული, შეთანხმებული მოქმედება იმისთვის, რომ თვითმმართველობის არჩევნებისთვის მოვემზადოთ, რომელიც ვადამდელ არჩევნებამდე მისასვლელი გზაა, - ამის შესახებ „ევროპული საქართველოს“ წევრმა ლელა ქებურიამ განაცხადა, რითაც „ნაციონალური მოძრაობის“ პარლამენტში შესვლის საკითხს გამოეხმაურა.
მისივე თქმით, მსხვილ ქალაქებში მერობის კანდიდატებზე შეთანხმება უნდა შეძლონ.
„ჩვენი „ევროპული საქართველოს“ პოზიცია ამ საკითხთან დაკავშირებით საზოგადოებისთვის ცნობილია, როგორც შეთანხმების ნაწილში, ასევე არალეგიტიმურ პარლამენტში მუშაობასთან დაკავშირებით. ამ საკითხზე დისკუსია უნდა შეწყდეს და ჩვენ უნდა შევძლოთ, გონივრული, შეთანხმებული მოქმედება იმისთვის, რომ თვითმმართველობის არჩევნებისთვის მოვემზადოთ, რომელიც ვადამდელ არჩევნებამდე მისასვლელი გზაა. უნდა შევძლოთ მსხვილ ქალაქებში მერობის კანდიდატებზე შეთანხმება და შეთანხმება მაჟორიტარულ კანდიდატებზე, სადაც ეს აუცილებლად მიგვაჩნია“, - განაცხადა ქებურიამ.