უმრავლესობის წევრის, ირაკლი ქადაგიშვილის განცხადებით, გიორგი გახარიას გადადგომა სახელმწიფო ინტერესებისთვის შეუთავსებელი და გუნდის ღალატის ტოლფასი იყო.

ამასთან, ქადაგიშვილის აზრით, თუ გახარიას ქვეყნის მიმართ პასუხისმგებლობა ჰქონდა, ეს პასუხისმგებლობა არ უნდა შეეცვალა.

„მიმაჩნია, რომ გიორგი გახარიას გადადგომა იმ მომენტში იყო სახელმწიფო ინტერესებისთვის შეუთავსებელი და ღალატის ტოლფასია გუნდთან, როდესაც ასეთი ნაბიჯის გადადგმა ხდება. მითუმეტეს, როდესაც ერთი კვირის შემდეგ ამბობ, რომ პოლიტიკაში რჩები და უკან აპირებ მოტრიალებას. თუ ეს პასუხისმგებლობა გაგაჩნდა ქვეყნის წინაშე, ეს პასუხისმგებლობა ორ დღეში არ უნდა შეგეცვალა. როდესაც გადაწყვეტილებას ვიღებდით, განმსაზღვრელი იყო პრემიერის პოზიცია”, - განაცხადა ქადაგიშვილმა.