ბელარუსის პრეზიდენტმა ალექსანდრე ლუკაშენკომ დღეს ხელი მოაწერა კანონს, რომელიც „ექსტრემისტულ საქმიანობასა“ და არასანქცირებულ საპროტესტო აქციებში მონაწილეობისთვის სასჯელის გამკაცრებას ითვალისწინებს.
ახალი კანონის თანახმად, მოქალაქეს, რომელიც მონაწილეობას მიიღებს ორზე მეტ „უკანონო“ საპროტესტო აქციაში, 3 წლამდე პატიმრობა ემუქრება. იმ პირებს კი, ვინც „ექსტრემისტულ საქმიანობაში“ მონაწილეობას მიიღებენ, ან „ექსტრემიზმს წაახალისებენ“, 6 წლამდე ვადით თავისუფლების აღკვეთას მიუსჯიან.
ამასთან, ახალი კანონის თანახმად, 7 წლამდე იზრდება პატიმრობის მაქსიმალური ვადა იმ პირებისთვის, ვინც პოლიციის მიმართ ძალადობას ჩაიდენს ან ძალადობით დაემუქრება.