საქართველოს პარლამენტის თავმჯდომარე კახა კუჭავა ლაშა შავდათუაშვილს მსოფლიო ჩემპიონობას ულოცავს.

"ვულოცავ ჩვენს საამაყო ძიუდოისტს და სრულიად საქართველოს!", - წერს კუჭავა სოციალურ ქსელში.

ლაშა შავდათუაშვილი მსოფლიოს ჩემპიონი გახდა. ძიუდოს ფედერაციის ინფორმაციით, ქართული ძიუდოს ისტორიაში იგი გახდა პირველი ძიუდოისტი, რომელიც ფლობს, როგორც მსოფლიოს ჩემპიონის, ისე ოლიმპიური და ევროპის ჩემპიონის ტიტულს. სპორტსმენი 73 კგ. წონით კატეგორიაში ასპარეზობდა.