გაეროს სამხედრო დანაშაულთა ტრიბუნალმა არ დააკმაყოფილა ბოსნიელი სერბების ჯარის ყოფილი მთავარსარდლის, რატკო მლადიჩის საჩივარი, რომელსაც სრებრენიცის გენოციდში მონაწილეობისა და სხვა სამხედრო დანაშაულებებისთვის სამუდამო პატიმრობა აქვს მისჯილი.

სასამართლოს გადაწყვეტილება საბოლოოა და გადასინჯვას აღარ ექვემდებარება.

ცნობისათვის, “ბოსნიელი ყასაბის“ სახელით ცნობილი მლადიჩი 2017 წელს გაასამართლეს და უვადო თავისუფლების აღკვეთა მიუსაჯეს ბოსნიის ომის დროს, რომელიც 1992 წლიდან 1995 წლამდე გაგრძელდა, ჩადენილი დანაშაულებებისთვის, მათ შორის 1995 წელს სრებრენიცაში 8 000 მუსლიმი მამაკაცისა და ბიჭის მასობრივ მკვლელობაში მონაწილეობისთვის.