სენატმა დაამტკიცა კანონპროექტი, რომლის მიზანი ჩინეთის ეკონომიკური ზეგავლენის შემცირებაა

აშშ-ის სენატმა მხარი დაუჭირა საკანონმდებლო პაკეტს, რომლის მიზანია გაზარდოს ქვეყნის შესაძლებლობა ჩინური ტექნოლოგიებისთვის კონკურენციის გაწევის კუთხით და შეამციროს ჩინეთის ეკონომიკური ზეგავლენა.

კერძოდ, ორპარტიული კანონპროექტი აშშ-ის ტექნოლოგიებისა და კვლევის გაძლიერებისთვის 190 მილიარდი აშშ დოლარის, ნახევარგამტარებისა და სატელეკომუნიკაციო მოწყობილობების წარმოებისა და კვლევის გაზრდის მიზნით კი - 54 მილიარდი აშშ დოლარის ინვესტირებას ითვალისწინებს.

კანონპროექტი ჩინეთთან დაკავშირებულ სხვა დებულებებსაც შეიცავს, მათ შორის სოციალური მედიის აპლიკაციის TikTok-ის ჩამოტვირთვის აკრძალვას სამთავრობო მოწყობილობებზე და ჩინეთის მთავრობის მხარდაჭერილი კომპანიების მიერ წარმოებული და გაყიდული დრონების შეძენის დაბლოკვას. ის ასევე ითვალისწინებს სანქციების დაწესებას იმ ჩინური კომპანიებისთვის, რომლებიც აშშ-ში განხორციელებულ კიბერ თავდასხმებში, ან ამერიკული კომპანიებისგან ინტელექტუალური საკუთრების მოპარვაში არიან ჩართულები.

კანონპროექტს, რომელიც სენატმა 68 ხმით 32-ის წინააღმდეგ დაამტკიცა, წარმომადგენელთა პალატის მხარდაჭერაც სჭირდება, რის შემდეგაც ის ხელმოსაწერად პრეზიდენტ ჯო ბაიდენს გადაეგზავნება.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
„მაკდონალდს საქართველო“ Mc Happy Day-ის საქველმოქმედო კამპანიას იწყებს