აშშ-ის ყოფილი პრეზიდენტი დონალდ ტრამპი მიესალმება ნიგერიის მთავრობის გადაწყვეტილებას „ტვიტერის“ აკრძალვასთან დაკავშირებით და პლატფორმების აკრძალვისკენ სხვა ქვეყნებსაც მოუწოდებს.

„ვულოცავ ნიგერიას, რომელმაც აკრძალა „ტვიტერი“ იმის გამო, რომ მათ აკრძალვა ქვეყნის პრეზიდენტს დაუწესეს. ვინ არიან ისინი გვიკარნახონ, ვინ არის კეთილი და ვინ ბოროტი?“- აღნიშნულია დონალდ ტრამპის განცხადებაში.

რამდენიმე დღის წინ ნიგერიაში სოციალური ქსელი „ტვიტერი“ დაბლოკეს. მთავრობის განმარტებით, ნიგერიაში „ტვიტერს“ ქვეყნის ერთიანობისა და უსაფრთხოების წინააღმდეგ იყენებდნენ, ამიტომ სოციალური ქსელის დაბლოკვა აუცილებელი გახდა. ნიგერიის ხელისუფლების გაღიზიანება „ტვიტერის“ ადმინისტრაციის მიერ ქვეყნის პრეზიდენტის, მუჰამადუ ბუჰარის პოსტის წაშლამ გამოიწვია. „ტვიტერის“ განმარტებით, პოსტის შინაარსი კომპანიის წესებს არღვევდა.