ლიეტუვის პრეზიდენტის გიტანას ნაუსედას თქმით, ნატო-ს სამიტის წინ ლიეტუვა, ესტონეთი და ლატვია მჭიდრო კოორდინაციაში არიან ერთმანეთთან და ასპირანტი ქვეყნების, უკრაინისა და საქართველოს მიმართ უფრო მტკიცე მხარდაჭერის კუთხით ერთიანი პოზიცია აქვთ.

„ლიეტუვა, ესტონეთი და ლატვია მჭიდრო კოორდინაციაში არიან ნატო-ს სამიტის წინ. ჩვენ უნდა უზრუნველვყოთ მტკიცე შეკავება, გავაგრძელოთ ინვესტიციები ჩვენს თავდაცვაში და მუდმივად შევიტანოთ წვლილი ჩრდილოატლანტიკური ალიანსის ადაპტაციაში.

ბალტიის ქვეყნებს ერთიანი პოზიცია აქვთ, დაიცვან ასპირანტი ქვეყნების, უკრაინისა და საქართველოს მიმართ უფრო მტკიცე მხარდაჭერის გამოხატვა“, – წერს ლიეტუვის პრეზიდენტი „ტვიტერში“.

ნატო-ს სამიტი ბრიუსელში 14 ივნისს გაიმართება.