„სტრატეგია აღმაშენებლის” ლიდერებმა, სატრანსპორტო მიმართულების ექსპერტებს პარლამენტში უმასპინძლეს

„სტრატეგია აღმაშენებლის” ლიდერებმა, სატრანსპორტო მიმართულების ექსპერტებს პარლამენტში უმასპინძლეს. „სტრატეგია აღმაშენებლის” ინფორმაციით, შეხვედრის მთავარი თემა, თბილისში არსებული სატრანსპორტო მდგომარეობა, კერძოდ ყვითელი და ლურჯი სამარშუტო ტაქსების პრობლემები იყო.

როგორც ინფორმაციაშია აღნიშნული, საუბარი ასევე შეეხო მძღოლების შემცირებულ ანაზღაურებასაც, მათ სამუშაო გრაფიკს და იმ ვალდებულებებს და დღის გეგმებს, რომელსაც კერძო კომპანიები მძღოლებს ავალებენ.

„ჯერ ყვითელი „მარშუტკები“ ჩაუდგნენ წილში და შემდეგ მთლიანად წაართვეს ამ ხალხს ეს ბიზნესი. მძღოლი, რომელიც იღებდა 1500 ლარს ხელფასს, ჩამოიყვანეს 770-ლარიან ხელფასზე, ყვითელი „მარშუტკის“ მოიჯარე მძღოლები ამოაგდეს საერთოდ ამ ბიზნესისგან, 700 ე.წ. დისპეჩერი უმუშევარი დატოვეს, 9 წლის მანძილზე პირდებოდნენ, რომ კონტრაქტის დასრულების შემდეგ ყვითელი „მარშუტკები“ ამ ხალხის იქნებოდა და ამასაც ვერ იფორმებენ, ეს არის უსამართლო და ჩვენი გუნდი გამოგყვებათ ამ ბრძოლაში. ექსპერტებთან ერთად ჩამოვაყალიბებთ კონკრეტულ მოთხოვნებს, რომ ამ ადამიანების შრომა, რაც გაწიეს 30 წლის მანძილზე, არ წაერთვათ. ჩვენი ფუნქციაა, რომ თქვენი ხმა ვიყოთ პარლამენტში”, - აღნიშნა „სტრატეგია აღმაშენებელის“ ლიდერმა, გიორგი ვაშაძემ.

ინფორმაციას „სტრატეგია აღმაშენებლის“ პრესსამსახური ავრცელებს.

გიორგი ბილანიშვილი - ჩვენი სტრატეგიული პარტნიორებისგან განსხვავებით, მოსკოვი ნამდვილად არ უნდა იყოს უკმაყოფილო იმით, რაც ახლა საქართველოში ხდება
ქართული პრესის მიმოხილვა 04.08.2022
ხათუნა ბურკაძე - აგვისტოს ომიდან 14 წლის განმავლობაში რუსეთის უცვლელი, უკიდურესად აგრესიული პოლიტიკის შესაჩერებლად საერთაშორისო სისტემის გარდაქმნაა აუცილებელი
სოფიო გრაკალიშვილი  - საქართველოს სადაზღვევო ჯგუფის სურვილია მომხმარებელმა ყველაფერი იცოდეს დაზღვევის პირობების შესახებ და საინფორმაციო ფურცელზე ხელმოწერა არ იყოს ფორმალური პროცედურა
„ფინანსთა მინისტრის გადაწყვეტილება ბიზნესის საუკეთესო ინტერესებზეა ორიენტირებული“ - ლოგისტიკური კომპანია საბაჟო დეპარტამენტის ნაბიჯს მიესალმება