მონღოლეთის ყოფილი პრემიერ-მინისტრი უხნაა ხურელსუხი ქვეყნის მეექვსე დემოკრატიულად არჩეული პრეზიდენტი გახდა, - ამის შესახებ ინფორმაციას Reuters-ი ავრცელებს.

სააგენტოს ცნობით, ხურელსუხმა, რომელიც იძულებული გახდა წლის დასაწყისში საპროტესტო გამოსვლების შემდეგ პრემიერ-მინისტრის თანამდებობა დაეტოვებინა, არჩევნებში ხმების დაახლოებით 68%-ი მოიპოვა.

ხურელსუხი მოქმედ პრეზიდენტ ხალტმაა ბატულგას შეცვლის, რომელსაც უარი ეთქვა არჩევნებში მონაწილეობაზე კონსტიტუციაში განხორციელებული ცვლილებების გამო, რომლის თანახმადაც პრეზიდენტად ერთი და იმავე პირის ზედიზედ ორჯერ არჩევა არ შეიძლება.