მონტე-კარლოში ქართული ღვინო საერთაშორისო ექსპერტების წინაშე წარდგა

საქართველოს პრეზიდენტი სალომე ზურაბიშვილი, მონაკოში სამუშაო ვიზიტის ფარგლებში, მონტე-კარლოს ღვინის სასახლეში ქართული ღვინის პოპულარიზაციის მიზნით ორგანიზებულ პრეზენტაციას დაესწრო, რომელზეც 7 ქართული კომპანიის 12 სხვადასხვა სახეობის ღვინო იყო წარმოდგენილი. მათ შორის: ასკანელი ძმების, ჭოტიაშვილის მარნის, ჯაყელების ღვინის, ვაზისუბნის მამულების.

პრეზიდენტის ადმინისტრაციის ინფორმაციით, ღვინის საერთშორისო ექსპერტებთან და მსოფლიოს სხვადასხვა კუთხიდან ჩამოსულ მეღვინეებთან შეხვედრისას კიდევ ერთხელ გაესვა ხაზი ქართული ღვინის უნიკალურობასა და ღვინის დაყენების ქართულ ტრადიციულ მეთოდებს.

უწების ცნობით, შეხვედრაზე აღინიშნა, რომ ქვეყნის უძველესი ტრადიციები და ღვინის კულტურა ეროვნულ იდენტობასთანაა გაიგივებული და უძველესი დროიდან მოყოლებული, საქართველო ცნობილია, როგორც ყურძნისა და ღვინის ქვეყანა, ხოლო ტრადიციული ქართული ღვინო რთულად წარმოსადგენია ქვევრის გარეშე. ქვევრში ღვინის დაყენების ისტორია 8000 წელზე მეტს ითვლის და დღემდე გრძელდება.

საქართველოს ღვინის ეროვნული სააგენტოს თავმჯდომარის, ლევან მეხუზლას განცხადებით, ღვინის გამოფენებს, განსაკუთრებით ევროპაში, ძალიან მნიშვნელოვანი დატვირთვა აქვს, მეღვინეები და ღვინის მოყვარულები ეცნობიან ერთმანეთს და ახალ-ახალ ღვინოებს. ამასთან, უმნიშვნელოვანესია გამოფენებში პრეზიდენტის მონაწილეობა და მისი მხარდაჭერა ქართული ღვინის მიმართ.

„დღეს, კოვიდის ფონზე, საფრანგეთსა და მონაკოში, რომელიც ფაქტიურად თავისი ღვინის გარდა არაფერს ცნობს, ხდება სწორედ ქართული ღვინის პრეზენტაცია - ქართული ღვინის საფუძვლის და ფესვების წარდგენა, რასაც დიდი ენთუზიაზმით აფასებენ სპეციალისტები. ეს არის ფაქტი, რომ საქართველო აღიარებულია, როგორც მეღვინეობის ქვეყანა და მისი ცნობადობა უკვე დამკვიდრდა მსოფლიო რუკაზე“, - განაცხადა ლევან მეხუზლამ.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა