ანრი ოხანაშვილმა და რატი ბრეგაძემ სამომავლო თანამშრომლობის საკითხები განიხილეს

პარლამენტის იურიდიულ საკითხთა კომიტეტის თავმჯდომარე ანრი ოხანაშვილი იუსტიციის მინისტრს, რატი ბრეგაძეს შეხვდება. ამის შესახებ ინფორმაციას პარლამენტი ავრცელებს.

მათივე ცნობით, რატი ბრეგაძემ იუსტიციის სამინისტროს სამომავლო გეგმებზე ისაუბრა. ასევე, შეხვედრაზე განხილული იყო იურიდიულ საკითხთა კომიტეტის მიერ დაგეგმილ რეფორმებთან დაკავშირებული საკითხები, რომლებიც „ადმინისტარციულ სამართალდარღვევათა კოდექსს“, „სისხლის სამართლის კოდექსს“ და „მეწარმეთა შესახებ“ კანონებს უკავშირდება.

„ჩვენ შევთანხმდით შემდგომი თანამშრომლობის ფორმატზე. იუსტიციის სამინისტროს ექნება იურიდიულ საკითხთა კომიტეტის მტკიცე მხარდაჭერა ყველა მის მნიშვნელოვან წამოწყებასა თუ დაგეგმილ რეფორმაში“, - განაცხადა ანრი ოხანაშვილმა.

ამასთან, შეხვედრას ესწრებოდნენ კომიტეტის თავმჯდომარის პირველი მოადგილე დავით მათიკაშვილი და თავმჯდომარის მოადგილე რატი იონათამიშვილი.

ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
ქართული პრესის მიმოხილვა 11.08.2022
გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია