კომიტეტის თავმჯდომარეობა მნიშვნელოვანი ბერკეტი იქნება ოპოზიციის ხელში - თუ შესაძლებლობა იქნება კომიტეტზე, რომელიც ჩვენ გვაინტერესებს, უარს არ ვიტყვით,- ამის შესახებ „გირჩის" დეპუტატმა სანდრო რაქვიაშვილმა ჟურნალისტებთან განაცხადა.

როგორც მან აღნიშნა, ამ დრომდე ამ საკითხზე კონსულტაციები არ ყოფილა.

„გირჩს" არ ჰქონია „ქართულ ოცნებასთან" ამასთან დაკავშირებით განსაკუთრებული კომუნიკაცია, ამიტომ არ ვიცით, რომელ კონკრეტულ კომიტეტებზე წავა საუბარი, თუ შესაძლებლობა იქნება რომელიღაც კომიტეტზე, რომელიც ჩვენ გვაინტერესებს, უარს არ ვიტყვით,"- განაცხადა რაქვიაშვილმა.