“დიდი შვიდეულის“ ქვეყნების ლიდერები, რომლებიც ბრიტანეთში შეიკრიბებიან, ყურადღებას გაამახვილებენ რუსეთის მცდელობებზე, რომლებიც დასავლური ერთიანობის ძირის გამოთხრისკენაა მიმართული, - ამის შესახებ ევროპული საბჭოს პრეზიდენტმა შარლ მიშელმა განაცხადა.

მისი თქმით, “დიდი შვიდეულის“ პარტნიორებს რუსეთის მავნებლური ქმედებების შესახებ მსგავსი შეხედულება აქვთ.

"დიდი შვიდეულის“ ქვეყნები რუსეთის მავნებლური ქმედებების შესახებ მსგავს შეხედულებებს იზიარებენ,“- აღნიშნა მიშელმა.

შეგახსენებთ, “დიდი შვიდეულის“ სამიტი კორნოულში, ინგლისში, 11-13 ივნისს გაიმართება.