ამერიკის შეერთებული შტატების პრეზიდენტის და რუსეთის პრეზიდენტის შეხვედრა ჟენევაში გაიმართება, - შესაბამის ინფორმაციას რუსული მედია შვეიცარიის საგარეო საქმეთა სამინისტროზე დაყრდნობით ავრცელებს.

„აშშ-სა და რუსეთის პრეზიდენტების, ბაიდენისა და პუტინის შეხვედრას ვილა ლა გრანჟი 16 ივნისს უმასპინძლებს”, - აღნიშნულია უწყების განცხადებაში.

ამასთან, შვეიცარიის საგარეო საქმეთა სამინისტროში აცხადებენ, რომ „შვეიცარია მადლობას უხდის ორ ქვეყანას ჟენევის არჩევით ნდობის გამოხატვისთვის“.

მე-18 საუკუნის ვილა ლა გრანჟი ქალაქის უდიდეს პარკში, ჟენევის ტბის სანაპიროზე მდებარეობს. მედიის ინფორმაციით, ვილა 8-18 ივნისს ვიზიტორებისთვის დახურულია. ადგილობრივმა ხელისუფლებამ განაცხადა, რომ 14-17 ივნისს უსაფრთხოების ზომები განსაკუთრებით გამკაცრდება.