ნათია თურნავა უზბეკეთის ინვესტიციებისა და საგარეო ვაჭრობის მინისტრის მოადგილეს შეხვდა

ეკონომიკისა და მდგრადი განვითარების მინისტრი ნათია თურნავა უზბეკეთის ინვესტიციებისა და საგარეო ვაჭრობის მინისტრის მოადგილეს ბახტიერ რახიმოვს შეხვდა, რომელიც საქართველოში უზბეკეთის დელეგაციის სამუშაო ვიზიტის ფარგლებში იმყოფება.

უწყების პრესსამსახურის ცნობით, შეხვედრაზე მხარეებმა განიხილეს ორმხრივი ეკონომიკური ურთიერთობები და სამომავლო თანამშრომლობის პრიორიტეტული მიმართულებები.

ნათია თურნავას განცხადებით, საქართველო და უზბეკეთი სტაბილური სავაჭრო პარტნიორები არიან.

მისი თქმით, შარშან პანდემიის შედეგად შემცირებული სავაჭრო ბრუნვა 2021 წელს ზრდადი დინამიკით ხასიათდება.

„კერძოდ, 2021 წლის იანვარი - აპრილის მონაცემებით, ორ ქვეყანას შორის სავაჭრო ბრუნვა 10 პროცენტით გაიზარდა და 31,5 მლნ აშშ დოლარი შეადგინა. ასევე ზრდადი დინამიკა დაფიქსირდა ექსპორტის შემთხვევაში - საანგარიშო პერიოდში ექსპორტი 13 პროცენტით გაიზარდა. აღინიშნა, რომ ექსპორტის ზრდაზე პოზიტიურად აისახა უზბეკეთის მთავრობის გადაწყვეტილება სასოფლო - სამეურნეო პროდუქციაზე აქციზის მოხსნის შესახებ, რომელიც საქართველოდან ექსპორტირებული 73 დასახელების პროდუქტს შეეხო, მათ შორის, მინერალურ წყლებს, ხილის წვენებს, უალკოჰოლო გაზიან სასმელებს. განსაკუთრებული ყურადღება გამახვილდა სავაჭრო - ეკონომიკური თანამშრომლობის სამუშაო ჯგუფის შექმნისა და სატრანსპორტო - ლოგისტიკურ ინფრასტრუქტურაში ერთობლივი ინვესტიციების განხორციელების შესაძლებლობაზე, ასევე საქართველოსა და უზბეკეთის გავლით ევროპასა და აზიას შორის ახალი სატრანსპორტო მარშრუტების ამოქმედებაზე. მხარეებმა ასევე ხაზი გაუსვეს თანამშრომლობის გაღრმავების მნიშვნელობას ტურიზმსა და სამოქალაქო ავიაციაში. შეხვედრას ასევე დაესწრნენ ეკონომიკისა და მდგრადი განვითარების მინისტრის მოადგილეები გენადი არველაძე და გურამ გურამიშვილი, აგრეთვე საქართველოს ელჩი უზბეკეთში ზურაბ აბდუშელიშვილი“,-აღნიშნულია ეკონომიკის სამინისტროს მიერ გავრცელებულ ინფორმაციაში.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!