გარდაცვლილის გაპატიოსნებაზე როცა საუბრობს ოპოზიცია, ალბათ, მათ ქვეცნობიერში თავისი აჩრდილი დაჰყვებათ თან,- ასე ეხმიანება პარლამენტის დროებითი საგამოძიებო კომისიის წევრი ალუდა ღუდუშაური ჟურნალისტებთან კომისიის მუშაობასთან დაკავშირებით ოპოზიციის განცხადებებს.

მისი თქმით, ოპოზიციას ჰქონდა შესაძლებლობა, თუ გაყალბების რაიმე ფაქტები ჰქონდათ, კომისიაზე წარმოედგინათ.

„ოპოზიციას პოლიტიკური კეკლუცობის ნაცვლად ერთი არგუმენტი მაინც უნდა წარმოედგინა, საზოგადოებისთვის ეჩვენებინა როგორი მაგრები და მართლები არიან, მაგრამ ეს ვერ დავინახეთ, იმიტომ, რომ ამის თავი არ აქვთ და ასე წარმოედგინათ, რომ სიცრუის ტირაჟირებით ქვეყანაში მოახდენდნენ გადატრიალებას და მოიყვანდნენ მათ ბელადს სააკაშვილს, ეს გეგმა, ბუნებრივია, 21- ე საუკუნეში საქართველოში ვერ განხორციელდება,"- განაცხადა ღუდუშაურმა.