მარიან კელი - სლოვაკეთს უნდა საქართველო იხილოს გაწევრიანებული როგორც ნატო-ში, ასევე ევროკავშირში

საქართველო როგორც რეგიონში, ასევე აღმოსავლეთ პარტნიორობის პლატფორმაში არის ერთ-ერთი მოწინავე ქვეყანა. როგორც კულტურულად, ასევე ისტორიულად საქართველოს აქვს ევროპული ღირებულებები, - ამის შესახებ საგარეო ურთიერთობათა კომიტეტის თავმჯდომარემ, ნიკოლოზ სამხარაძემ სლოვაკეთის რესპუბლიკის პარლამენტის საგარეო ურთიერთობათა კომიტეტის თავმჯდომარე, მარიან კელისთან ონლაინ ფორმატში გამართულ შეხვედრისას განაცხადა.

გაცნობით ხასიათის შეხვედრაზე მხარეებმა ორ ქვეყანას შორის არსებული ურთიერთობების კიდევ უფრო გაღრმავებაზე და სამომავლო თანამშრომლობის პერსპექტივებზე ისაუბრეს.

ნიკოლოზ სამხარაძემ, მარიან კელის ქვეყნის საგარეო პოლიტიკის პრიორიტეტებზე, საქართველოს ევროპულ ინტეგრაციაზე და ამ მიმართულებით გადადგმულ ნაბიჯებზე ესაუბრა. კოლეგას, ნიკოლოზ სამხარაძემ 2024 წელს საქართველოს ევროკავშირში გაწევრიანების შესახებ განაცხადის გაკეთებასთან დაკავშირებით ქვეყნის ამბიციური გეგმა გააცნო.

ნიკოლოზ სამხარაძემ კოლეგას მადლობა გადაუხადა სლოვაკეთის მხრიდან საქართველოს ტერიტორიული მთლიანობის, სუვერენიტეტის ასევე, ჩვენი ქვეყნის ნატოსა და ევროკავშირში ინტეგრაციის მტკიცე მხარდაჭერისთვის.

„სლოვაკეთს უნდა საქართველო იხილოს გაწევრიანებული როგორც ნატოში, ასევე ევროკავშირში", - აღნიშნა მარიან კელიმ.

მხარეებმა საპარლამენტო ურთიერთობების გაძლიერების გზებზე, მათ შორის, საქართველოსა და სლოვაკეთის საგარეო კომიტეტების სამომავლო თანამშრომლობის შესაძლებლობებზე ისაუბრეს.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა