ვლადიმერ ზელენსკი - იმედია, ნატო-ს სამიტზე განიხილავენ ქმედით ნაბიჯებს, რომ შეჩერდეს რუსეთის აგრესია

უკრაინის პრეზიდენტი ვლადიმერ ზელენსკი იმედოვნებს, რომ ნატო-ს სამიტზე რუსეთის მხრიდან აგრესიის შეკავების ნაბიჯები განიხილება.

ამის შესახებ მან ნატო-ს გენერალურ მდივან იენს სტოლტენბერგთან გამართული სატელეფონო საუბრის შემდეგ „ტვიტერზე“ დაწერა.

„ინფორმაცია მივაწოდე იენს სტოლტენბერგს რუსეთიდან მომდინარე მნიშვნელოვან საფრთხეებზე. იმედია, რომ ნატოს სამიტზე განიხილავენ ქმედით ნაბიჯებს, რომ შეჩერდეს რუსეთის აგრესია. ხაზი გაესვა უკრაინისთვის ნატოს ღია კარის პოლიტიკის დადასტურების მნიშვნელობას და 2008 წელს უკრაინისთვის MAP-ის თაობაზე მიღებული გადაწყვეტილების ქმედითობას“, - აცხადებს ზელენსკი.

სატელეფონო საუბრის შესახებ ინფორმაცია გაავრცელა ნატო-ს გენერალურმა მდივანმაც.

„საუბარი მქონდა ჩვენი ღირებული პარტნიორის, უკრაინის პრეზიდენტ ზელენსკისთან. განვიხილეთ ნატოს მომავალი სამიტი, რეგიონში არსებული სიტუაცია უსაფრთხოების კუთხით და რუსეთის მხრიდან მიუღებელი სამხედრო მობილიზება. მე გამოვხატე ჩვენი პოლიტიკური და პრაქტიკული მხარდაჭერა მათი რეფორმების პროცესის მიმართ“, - წერს სტოლტენბერგი.

ბრიუსელში ნატო-ს სამიტი 14 ივნისსაა დაგეგმილი.

ირაკლი მელაშვილი - საქართველო ადგილობრივი ორგანოების საბჭოურ სისტემაშია ჩარჩენილი, გამოდის რომ ჩვენ არა ევროპისკენ, არამედ აზიური ავტორიტარიზმისკენ მივდივართ
ქართული პრესის მიმოხილვა 05.08.2021
ბაკურ კვაშილავა - 19 აპრილის შეთანხმებიდან მმართველი გუნდის გამოსვლა არ ნიშნავს იმას, რომ იგი არ არსებობს - თუ მათ ხმების 43% ვერ მიიღეს, „ქართულ ოცნებას“ მოუწევს ვადამდელი არჩევნების დანიშვნა
"გრინ კაპიტალი" და საოპერაციო კომპანია "ფრონტერა ისტერნ ჯორჯია" აშშ-ის ელჩს და დიპლომატიურ კორპუსს მიმართავს, დავის მშვიდობიანად დასრულებისთვის საქართველოს მთავრობასთან  უშუამდგომლონ  (R)
„PSP ფარმა“ „საქსტატმა“ საუკეთესო პარტნიორად დაასახელა
Bolt Food უკვე ბათუმშია
“გრინ კაპიტალისა“ და ზაზა მამულაიშვილის მიერ გაკეთებული განცხადება მიზნად ისახავს საზოგადოების შეცდომაში შეყვანას
"ფრონტერა რისორსის ჯორჯია კორპორეიშენის" გენერალური დირექტორი განცხადებას ავრცელებს