ბორის ჯონსონი ჯო ბაიდენთან თანამშრომლობაზე - ეს სუფთა ჰაერის ჩასუნთქვაა

დიდი ბრიტანეთის პრემიერ-მინისტრმა ბორის ჯონსონმა აშშ-ის პრეზიდენტ ჯო ბაიდენთან პირისპირ შეხვედრის შესახებ მედიასთან ისაუბრა.

მან ბაიდენთან თანამშრომლობა „სუფთა ჰაერის ჩასუნთქვას“ შეადარა.

„ეს სუფთა ჰაერის ჩასუნთქვაა. ეს არის ახალი და საინტერესო და ჩვენ ძალიან გულმოდგინეთ ვმუშაობთ ერთად. ჩვენი შეხვედრა 1 საათსა და 20 წუთს გაგრძელდა. ეს იყო გრძელი, გრძელი, კარგი შეხვედრა. ჩვენ საკითხების ფართო სპექტრი მიმოვიხილეთ“, - განაცხადა ჯონსონმა.

მისი თქმით, პრეზიდენტ ბაიდენის ადმინისტრაციის პირობებში, აშშ-ს დიდ ბრიტანეთთან ბევრ საკითხში სურს თანამშრომლობა, მათ შორისაა უსაფრთხოების, ნატოს და კლიმატის ცვლილებების საკითხები. ბორის ჯონსონმა ჟურნალისტებთან საუბრისას აღნიშნა, რომ ჯო ბაიდენს შეხვედრაზე ჩრდილოეთ ირლანდიის საკითხი არ წამოუჭრია. ორი ქვეყნის ლიდერს შორის შეხვედრა კორნუოლში მდებარე საზღვაო კურორტზე შედგა.

შეგახსენებთ, ჯო ბაიდენი ევროპას პრეზიდენტის რანგში პირველი საზღვარგარეთული ტურნეს ფარგლებში ესტუმრა. 8 დღიანი ვიზიტის ფარგლებში ის მონაწილეობას მიიღებს „დიდი შვიდეულის“ შეხვედრაზე, ნატოს სამიტს დაესწრება და ჟენევაში რუსეთის პრეზიდენტთან პირისპირ შეხვედრაც გაიმართება.

პირისპირ შეხვედრამდე, ლიდერებმა მეუღლეებთან ერთად არაფორმალურ ვითარებაში სანაპიროზე გაისეირნეს. ხედით აღფრთოვანებულმა ბაიდენმა იხუმრა: „საოცარია - სახლში წასვლა არ მინდა“.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს