რუსეთის პრემიერმა აშშ-სთან გაფორმებული „ღია ხმელეთის“ მემორანდუმის შეწყვეტასთან დაკავშირებით განკარგულებას ხელი მოაწერა
რუსეთის პრემიერ-მინისტრმა მიხეილ მიშუსტინმა ხელი მოაწერა განკარგულებას რუსეთსა და აშშ-ს შორის "ღია ხმელეთის" ურთიერთგაგების მემორანდუმის შეწყვეტის შესახებ, რომელიც რუს და ამერიკელ დიპლომატებს ერთმანეთის ქვეყნების სხვადასხვა რეგიონში ნებართვის გარეშე მხოლოდ შეტყობინების გაგზავნის საფუძველზე გადაადგილების საშუალებას აძლევდა, - ამის შესახებ ინფორმაციას რუსული მედია ავრცელებს.
დოკუმენტში ნათქვამია, რომ რუსეთის საგარეო საქმეთა სამინისტრო გადაწყვეტილების შესახებ ამერიკულ მხარეს ინფორმაციას მიაწვდის.
მიმდინარე წლის 16 აპრილს რუსეთის საგარეო საქმეთა მინისტრმა სერგეი ლავროვმა აშშ-ის მიერ რუსეთის წინააღმდეგ სანქციების დაწესების საკითხზე კომენტირებისას განაცხადა, რომ მოსკოვი, სანქციების საპასუხოდ, აშშ-სთან გაფორმებულ "ღია ხმელეთის" ურთიერთგაგების მემორანდუმს გააუქმებდა.
ცნობისათვის, რუსეთსა და აშშ-ს შორის "ღია ხმელეთის" ურთიერთგაგების მემორანდუმი ვაშინგტონში 1992 წლის ივნისში გაფორმდა.
v-if="article.gallery" v-html="article.gallery"
