ფილიპ რიკერი - აშშ ხელს უწყობს რეგიონის ხალხის სურვილს, ჰქონდეთ მშვიდობიანი, სტაბილური და უფრო წარმატებული მომავალი

აშშ-სთვის მნიშვნელოვანია რეგიონში ჩვენს პარტნიორებთან ერთად მუშაობა, სადაც სამხრეთ კავკასიის სამივე ქვეყანასთან თანამშრომლობის დიდი ტრადიცია გვაქვს, - ამის შესახებ აშშ-ის სახელმწიფო მდივნის მოადგილის მოვალეობის შემსრულებელმა, ფილიპ რიკერმა საქართველოში ვიზიტისას განაცხადა.

მისი თქმით, აშშ ხელს უწყობს რეგიონის ხალხის სურვილს, ჰქონდეთ მშვიდობიანი, სტაბილური და უფრო წარმატებული მომავალი.

„ხელს ვუწყობთ მათ განვითარებას, ეკონომიკას, რეგიონის ხალხის სურვილს, რომ ჰქონდეთ მშვიდობიანი, სტაბილური და უფრო წარმატებული მომავალი და ძალიან კმაყოფილი ვარ, რომ პრეზიდენტ ბაიდენის ადმინისტრაციისა და გენერალური მდივნის ენტონი ბლინკენის სახელით დავბრუნდი რეგიონში და მაქვს შესაძლებლობა, განვიხილო ჩვენი როლი და პარტნიორობა. ის, რაშიც ჩვენ ვეხმარებით, არის უფრო სტაბილური მომავლი, კონფლიქტების გადაჭრა და მეტი წარმატების შესაძლებლობების გამონახვა,“- აღნიშნა ფილიპ რიკერმა.

შეგახსენებთ, ამერიკის სახელმწიფო მდივნის მოადგილის მოვალეობის შემსრულებელი ევროპისა და ევრაზიის საკითხებში ფილიპ რიკერი რეგიონული ვიზიტით ჯერ საქართველოში ჩამოვიდა, შემდეგ აზერბაიჯანსა და სომხეთში იმყოფებოდა და შემდეგ ისევ საქართველოში დაბრუნდა.

დღეს ფილიპ რიკერი სრულიად საქართველოს კათოლიკოს-პატრიარქს, უწმინდესსა და უნეტარეს ილია მეორეს შეხვდა. დღესვე ფილიპ რიკერი მცხეთაში, ჯვრის მონასტერში იმყოფებოდა.

ზაზა ფირალიშვილი - სამწუხაროდ, ჩვენი პოლიტიკური სპექტრი და უბრალო ადამიანები განსხვავებულ სამყაროებში ცხოვრობენ, ვფიქრობ, ეს არის სერიოზული პოლიტიკური, უფრო მეტიც, საზოგადოებრივი კრიზისის ნიშანი
ქართული პრესის მიმოხილვა 14.06.2021
კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
ლექსუს თბილისი  ევროპის 300 დილერს შორის საუკეთესო ათეულში მოხვდა და უკვე ზედიზედ მეორედ  მიიღო კლიენტთა გამორჩეული მომსახურებისთვის დაწესებული LEXUS KIWAMI-ის უმნიშვნელოვანესი ჯილდო
PSP და MASTERCARD განსაკუთრებული შეთავაზებით სარგებლობას მომხმარებელი უკვე დღეიდან შეძლებს
მნიშვნელოვანი წვლილი ქართული ეკონომიკის განვითარებაში: „კარფური“ 10 უმსხვილეს ინვესტორს შორის