გერმანიის კანცლერის, ანგელა მერკელის განცხადებით, გერმანიაში აღდგომის შემდეგ დაწესებულმა შეზღუდვებმა ინფიცირების შემთხვევების მნიშვნელოვანი შემცირება გამოიწვია, თუმცა სიფრთხილის გამოჩენა კვლავ საჭიროა, რადგან „ვირუსი არ გამქრალა“.

„შეგვიძლია ვთქვათ, რომ ბოლო თვეების ძალისხმევამ შედეგი გამოიღო, მაგრამ უყურადღებობა არ უნდა გამოვიჩინოთ. ვირუსი არ გამქრალა“, - აღნიშნა კანცლერმა.

მისი თქმით, რისკები კვლავ არსებობს დელტა, ე.წ. ინდური ვარიანტის გამო, რომელიც ბრიტანეთში ფართოდაა გავრცელებული.

„რაც გვაშფოთებს არის ეგრეთ წოდებული დელტა ვარიანტი, რომელიც დიდ ბრიტანეთში ძალიან ფართოდ ვრცელდება,“- აღნიშნა კანცლერმა.

მან ხაზი გაუსვა, რომ დელტა ვარიანტის გავრცელების თავიდან ასაცილებლად აუცილებელია ვაქცინაციის ტემპის დაჩქარება.