პაკისტანში მუსლიმი მომლოცველებით სავსე ავტობუსი გზიდან გადავიდა და თხრილში ჩავარდა, დაიღუპა 20 და მძიმედ დაშავდა 40-ზე მეტი ადამიანი, - ინფორმაციას Reuters-ი ავრცელებს.
სააგენტოს ცნობით, 10 დაშავებულის მდგომარეობა კრიტიკულია, ამიტომ არ არის გამორიცხული, დაღუპულთა რიცხვი კიდევ გაიზარდოს.
შემთხვევა პაკისტანის სამხრეთ-დასავლეთით, ბალოჩისტანის პროვინციის ხუზდარის რაიონში მოხდა.
ადგილობრივი ხელისუფლების წარმომადგენლების განცხადებით, დაღუპულები და დაშავებულები სინდის პროვინციაში მცხოვრები მუსლიმი პილიგრიმები არიან, რომლებიც ერთ-ერთ რელიგიურ დღესასწაულს დაესწრნენ და პროვინციაში ბრუნდებოდნენ.