რუსეთში, ბოლო 24 საათის განმავლობაში, კოვიდ 19-ის 12 505 ახალი შემთხვევა დაფიქსირდა და ინფიცირებულთა საერთო რაოდენობამ 5 180 454-ს მიაღწია, - ინფორმაციას ადგილობრივი მედია ავრცელებს.
მათივე ინფორმაციით, გასული დღე-ღამის განმავლობაში გამოვლენილი შემთხვევები ყველაზე მაღალი დღიური მაჩვენებელია ქვეყნისთვის 22 თებერვლის შემდეგ.
ამასთან, რუსეთში ვირუსით კიდევ 396 პაციენტი დაიღუპა და გარდაცვლილთა რიცხვი 125 674-მდე გაიზარდა.
ქვეყანაში ვირუსისგან დღემდე 4.78 მილიონი ადამიანი განიკურნა.
კოვიდინფიცირებული პაციენტების რაოდენობის მიხედვით, რუსეთი აშშ-ის, ინდოეთის, ბრაზილიის, საფრანგეთისა და თურქეთის შემდეგ მსოფლიოში მე-6 ადგილზეა.