ჯო ბაიდენი ანგელა მერკელს თეთრ სახლში უმასპინძლებს

აშშ-ის პრეზიდენტი ჯო ბაიდენი გერმანიის კანცლერს თეთრ სახლში უმასპინძლებს, - ამის შესახებ ინფორმაციას CNN-ი ავრცელებს.

ტელეკომპანიის ცნობით, ანგელა მერკელი აშშ-ში 15 ივლისს ჩავა და ეს ჯო ბაიდენის გაპრეზიდენტების შემდეგ მისი პირველი ვიზიტი იქნება ვაშინგტონში.

„კანცლერ მერკელის ვიზიტი აშშ-სა და გერმანიას შორის ღრმა ორმხრივი კავშირების არსებობის დადასტურება იქნება. ლიდერები განიხილავენ თანამშრომლობის საკითხს მთელ რიგ საერთო გამოწვევებზე, მათ შორის კოვიდ-19 პანდემიის დასრულებაზე, კლიმატის ცვლილების საფრთხის დაძლევაზე, ეკონომიკურ კეთილდღეობასა და საერთაშორისო უსაფრთხოებაზე,“- აცხადებენ თეთრ სახლში.

ცნობისათვის, გაპრეზიდენტების შემდეგ ჯო ბაინდენსა და ანგელა მერკელს შორის ოფიციალური შეხვედრა არ შემდგარა.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს