პენტაგონის განცხადებით უკრაინას სამხედრო დახმარების სახით 150 მილიონის ღირებულების ახალ პაკეტს გამოუყოფენ, - ინფორმაციას Reuters-ი ავრცელებს.
დახმარება მოიცავს კონტრსაარტილერიო რადარს, ელექტრონულ საბრძოლო მოწყობილობას, დრონების საწინააღმდეგო სისტემებს.
დახმარების ამ ახალი პაკეტის გარდა პენტაგონმა მარტში დაანონსა, რომ უკრაინას 125 მილიონი დოლარის ღირებულების Mark VI ტიპის საპატრულო კატარღებს მიაწვდიდა.
პენტაგონის განმარტებით, აშშ-ის დახმარება ხელს შეუწყობს გააძლიეროს უკრაინის შეიარაღებული ძალების სარდლობა, კონტროლი და სიტუაციური ინფორმირებულობა.
ცნობისათვის, აშშ-სა უკრაინის პრეზიდენტებს, ჯო ბაიდენსა და ვლადიმერ ზელენსკის შორის რამდენიმე დღის წინ სატელეფონო საუბარი გაიმართა, რომლის დროსაც ჯო ბაიდენმა უკრაინელ კოლეგას განუცხადა, რომ ის მხარს დაუჭერს უკრაინის სუვერენიტეტსა და ტერიტორიულ მთლიანობას.