პალესტინელებსა და ისრაელის ჯარისკაცებს შორის მომხდარ შეტაკებას ახალგაზრდა პალესტინელი ემსხვერპლა

დასავლეთ სანაპიროზე მომხდარი შეტაკებისას ისრაელის ჯარისკაცებმა პალესტინელ მოზარდს ცეცხლი გაუხსნეს და მოკლეს, - Reuters-ის ინფორმაციით, ამის შესახებ პალესტინის ჯანდაცვის სამინისტროში აცხადებენ.

თვითმხილველების თქმით, ძალადობრივი დაპირისპირება ქალაქ ნაბლუსთან ისრაელის დასახლებების წინააღმდეგ გამართულ საპროტესტო აქციაზე მოხდა.

ისრაელის თავდაცვის ძალების შეფასებით, ეს იყო „ასობით პალესტინელის მიერ მოწყობილი ძალადობრივი ბუნტი".

„ამბოხებულებმა დაწვეს საბურავები, ისროლეს ქვები და ისრაელის ჯარისკაცებს პიროტექნიკა დაუშინეს. ჯარისკაცებმა სპეციალური საშუალებები გამოიყენეს და ამბოხებულებს ცეცხლი გაუხსნეს,“- აცხადებენ ისრაელის თავდაცვის ძალებში.

პალესტინის ჯანდაცვის სამინისტროს ინფორმაციით, ცეცხლის გახსნის შედეგად 15 წლის პალესტინელი დაიჭრა, რომელიც, მიღებული ჭრილობისგან მოგვიანებით გარდაიცვალა.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს