გაერთიანებული სამეფოს პრემიერ-მინისტრი ბორის ჯონსონი „დიდი შვიდეულის“ სამიტის ფარგლებში საფრანგეთის პრეზიდენტს, ემანუელ მაკრონს შეხვდა.
მედია საშუალებები სხვადასხვა წყაროზე დაყრდნობით იუწყებიან, რომ შეხვედრისას ემანულ მაკრონმა ბორის ჯონსონს ევროკავშირთან გაფორმებული „ბრექსითის“ შეთანხმების პატივისცემისკენ მოუწოდა.
„პრეზიდენტმა ბორის ჯონსონს განუცხადა, რომ საჭიროა საფრანგეთ-ბრიტანეთის ურთიერთობების გადატვირთვა და ეს მხოლოდ იმ შემთხვევაში იქნება შესაძლებელი, თუკი ის „ბრექსითის“ შეთანხმების ერთგული დარჩება,“- განაცხადა მედიასთან საუბარში წყარომ, რომელმაც ანონიმურობის დაცვა ითხოვა.